霍金曾經講過，嘗試與外星人接觸係一件好危險嘅事，因為你唔知道佢哋會點樣理解你傳出去嘅訊息。我個人黎講就覺得呢句嘢好正確！嗱你諗下，你條女斬釘截鐵咁講「我冇嬲！」，咁其實佢有冇嬲呀？真係思想稍為唔夠正面都諗到你抑鬱架！咁你話，你點知啲外星人諗咩？

Adam Sandler嘅新戲《屈機起格命(Pixel)》就用咗呢個概念。故事講述NASA為咗接觸外星人，決定將包含經典街機畫面，介紹地球人文化嘅影片送到宇宙，點知收到嘅外星人就以為係宣戰訊息，於是派出「食鬼(Pac-man)」攻擊地球，任何比佢掂到嘅嘢都會變哂8bit方塊！為咗對付佢，威廉總統(Kevin James飾)下令要搵當年嘅打機高手「食鬼世界冠軍」Sam(Adam Sandler飾)、「Centipede大師」Ludlow(Josh Gad飾)同「Donkey Kong之王」Eddie(Peter Dinklage)出手對抗外星人！