注意：電影預告可能含有故事劇透

被喻為宮崎駿引退作嘅《蒼鷺與少年》即將於全球各地陸續上映，最近美國發行商GKIDS就率先首部預告，正式揭開呢部「零宣傳」電影嘅神秘面紗。

短短一分鐘嘅預告可見，電影以男主角「牧真人」於火場中尋找母親展開，與蒼鷺相遇後便遇上各種神秘生物及奇幻場景，配埋久石讓大師嘅電影配樂，形成一種懸疑不安嘅氛圍，故事耐人尋味。

《蒼鷺與少年》改編自日本作家吉野源三郎小說《你想活出怎樣的人生／君たちはどう生きるか》講述因太平洋戰爭而喪母嘅15歲少年「牧真人」，遇上一隻識講人話嘅蒼鷺，繼而展開一段奇妙旅程。雖然電影大膽地採用「零宣傳」策略，事前冇公布任何預告、劇照、故事大綱就直接上映，但仍吸引大批影迷入場觀看，截止目前累計票房更高達74.1億日元，預計今年12月於香港正式上映。