Netflix真人版《ONE PIECE》播出後好評如潮，榮登多個國家及地區熱播排行榜冠軍，成功打破漫改真人劇收視魔咒。按照劇情推進，路飛第5位夥伴「索柏」將於第二季正式登場，令Fans們非常好奇官方究竟會用咩方法呈現呢位可愛角色。

索柏（Chopper）係草帽海賊團嘅船醫，本來係一隻馴鹿，但因為食咗「人人果實」而能夠變換人類及獸人形態，同時係團內嘅可愛及搞笑擔當。由於真人化存在一定難度，網絡上陸續出現真人版索柏嘅假想圖及討論，其中有人就推薦《Sweet Tooth（鹿角男孩）》童星Christian Convery出演（佢同時亦係年輕版山治嘅演員），亦有人提議可以透過CGI技術呈現，效果類似《神探Pikachu》入面嘅比卡超。

If the One Piece live action series gets a 2nd season, which chopper would you rather have, a CGI Chopper or Chopper played by a human with horns and a blue nose? #OnePieceLiveAction #OPLA #OnePieceNetflix pic.twitter.com/XDMLUWND6g

— JDJ (@JoronoaDJozad) September 3, 2023

imagine chopper look like this in the live action ????#OnePieceLiveAction pic.twitter.com/GO9tvw6cWq

— One Piece Tweets (@onepiecedaiIys) September 2, 2023

Chopper in the One Piece live action goes hard af#OnePieceNetflix pic.twitter.com/EI5PJsBi8k

— SmellyRew (@LvckyDRew) August 28, 2023

I already know who is going to play Chopper and how he is going to look in the live action One Piece show.#OnePieceNetflix #OnePieceLiveAction pic.twitter.com/SCzqKp2pSp

— ＧＲＡＶＥ (@GraveDBD) September 2, 2023

目前Netflix尚未宣布續訂第二季，但製片公司Tomorrow Studios總裁Marty Adelstein就表示已經準備好劇本，一旦正式開拍，預計12-18個月後就能夠播出，敬請大家拭目以待。