SEGA日前於東京電玩展上公開《人中之龍8》全新預告，並確定遊戲將於2024年1月26日登陸PS4／5、Xbox Series X／S、Xbox One及PC平台。

從預告片可見，今代遊戲將繼《人中之龍0》後再次採用雙主角制，講述春日一番得知親生媽媽仍然在生後便展開一場「尋母之旅」，然而途中遭到詐騙，醒返時以全裸姿態出現於夏威夷沙灘上，因而搞出唔少笑料。其後遇上桐生一馬，兩人正式聯手，同時亦發現全夏威夷嘅黑道都搵緊自己媽媽。但最令玩家驚訝嘅係，桐生一馬表示自己患上癌症，體力大不如前，所以好多任務都要靠春日一番協助完成。

官方表示，今代登場角色數目將為系列之最，除咗兩位主角之外，真島吾朗、冴島大河、堂島大吾等熟悉面孔亦會登場，同時亦係首次將遊戲舞台搬到日本以外。