作為日本最受歡迎嘅動漫之一，《新世紀福音戰士 (EVA)》過去曾推出過N款聯乘週邊，你想嘅話衣食住利全部都係《EVA》都唔係冇可能。可惜嘅係，唔少《EVA》聯乘週邊都只在日本有發售，香港Fans要買難度頗高。好在近期終於有個聯乘係有正式於香港推出，就係CITIZEN x新世紀福音戰士聯名腕錶！

今次CITIZEN X EVA總共會推出兩款腕錶，分別以初號機及貳號機為藍本。其中初號機型號JY8138-61E腕錶，以黑色為底色，配上紫色儀表圈，再以綠色作為細節點綴。錶盤中央的黑黃色警報條來自動畫嘅緊急標示，7時位置則有綠色初號機編號圖案，而錶盤上橙色部份就呼應原機體上心口附近嘅橙色裝甲。隨錶附送外黑內紫，配上紫、橙色縫線的小牛皮錶帶。而貳號機型號JY8139-68E腕錶，同樣以黑色電鍍不銹鋼為基底，但裏裏外外都用上貳號機嘅鮮紅及橙色作點綴。錶底刻印了NERV組織的標誌，以及取自英國的詩人羅伯特·白朗寧（Robert Browning）的詩句。

腕錶內搭載光動能電波機芯U680，除能以可見光提供動力之外，更能「打破時間力場」與全球五局電波塔連接信號，自動校正時間和日期，並搭載雙LED屏，同時有萬年曆、計時秒錶、43個世界城市時間顯示、主時間/世界時間自由切換等多個功能。另外腕錶亦各自附送印有真嗣及明日香兩位主角嘅特別包裝盒。

資料來源：CITIZEN