繼超長「單行」鍵盤後，日本Google再以旗下輸入法Gboard推出惡搞產品，今次係一款能夠戴喺頭上、名符其實嘅「鍵帽」Gboard CAPS！唔知要敲幾多下個頭先打到一句完整句子呢？

據官方介紹，Gboard CAPS內建微型陀螺儀，打字時只要旋轉頂帽嘅角度選擇字符，最後敲一下，文字就會透過藍牙傳送到電腦或手機等裝置。團隊將呢種打字方法稱為Atama輸入法（Atama Input），Atama（あたま）喺日文亦解作頭腦嘅意思，並可以按個人喜好自訂按鍵聲音、鍵帽造型。

雖然Google並冇計劃量產，但就將製作教學、材料清單、電路設計圖等資料放晒上GiuHub，等有興趣嘅朋友可以跟住嚟DIY。