又双叒叕有Switch 2傳聞，今次消息係嚟自一位名為SoldierDelta嘅Discord用戶，此前曾爆料過PS5獨占大作《浪人崛起Rise of The Ronin》遊戲畫面，所以具有一定可信性。佢最近就表示，Switch 2（暫稱）將於2024年9月24日正式發布，而且會好似PS5咁有兩個型號，一款係配備遊戲卡槽嘅「標準版」主機，一款係不具備卡槽嘅「數位版」主機，前者售價為449美元，後者則售400美元。

除此之外，前早外國YouTuber「Doctre81」就發現美國任天堂正招聘零售銷售及策略實習生，日期為下年6月至8月，內容顯示該職位將獲得指導、建立人脈及與行業領袖接觸，暗示任天堂可能會喺該段時間進行大型行銷推廣活動，唔排除就係為Switch 2發布做足準備。

若然消息屬實，大家又會買標準版定數位版主機呢？