為紀念《龍珠》系列問世40周年，東映動畫今日喺紐約動漫展(NYCC)上宣布，將於明年秋季推出全新動畫《龍珠 DAIMA》，講述地球上所有人受神秘力量影響變晒做細路，悟空再次拎起如意棒戰鬥！

據官方介紹，《龍珠 DAIMA》中嘅「DAIMA」係一個新詞，日文漢字為「大魔」，類近英文「Evil」嘅意思，故事講述因某種力量影響，悟空及地球上所有人都變晒做小朋友，為解決呢個未知事件，悟空將聯同夥伴們前往一個神秘世界冒險，亦因為身體變小，悟空將會重拾久違嘅如意棒彌補身形嘅不足。除此之外，原作者鳥山明亦會負責本作劇情、角色、載具及怪物設計。