相信大家有睇過下《頭文字D》都知日本有一班山路賽車愛好者，但山路賽車講到尾都係非法賽車，所以參與者被拘捕並唔係啲咩新鮮事。不過近日因為有位年僅21歲嘅美少女因為於《頭D》場景之一嘅日本埼玉縣飯能市嘅山道上「危險駕駛」被捕，結果引來大量網民討論。

話說日本埼玉縣狹山市警方，日前以危險駕駛嘅罪名拘捕咗現年21歲嘅女性專職學生「森田祐加」，以及其23歲男性友人「栗本海斗」。案情指二人與其他朋友於今年5月時，於飯能市內限速40km/h嘅「正丸山路」，駕駛電單車以最高時速90km/h來回競賽，違反當地法例而被捕。據報「森田祐加」被捕時曾經講過：「揸得快先係好司機。」

不過事件特別之處，在於「森田祐加」係一名於TikTok上有過萬Followers嘅小網紅，經常會於社交媒體及YouTube上分享自己「跑山」嘅影片，而且佢本人非常可愛，令事件話題性更高。另外森田祐加嘅座駕亦塗裝成「Minions」嘅模樣，極具記憶點。該座駕目前亦被日本警方扣押。

森田祐加過去上傳嘅影片

制限速度40キロの峠道を90キロで暴走行為か 21歳専門学生の女ら逮捕　愛車のバイクは人気映画のキャラクター
道路交通法違反の疑いで逮捕された埼玉県狭山市の専門学生・森田祐加容疑者（21）

森田祐加容疑者の最後のTikTok動画オッケーな感じだった‥ pic.twitter.com/8xHYrgR38a

— クロロ28号 (@FQpRgiLK7l5403) October 12, 2023

呢單新聞嘅YouTube影片吸引到大量日本網迷留言，當中雖然有人讚嘆「森田祐加」真係好可愛，但絕大部網民都非常支持警方執法，紛紛指出作為道路使用者，最重要都係尊重其他道路使用者；亦有人指出「上得山多終遇虎」，與其等到發生意外後令大家都唔開心，依家被捕可能已經算係好嘅結局。但亦有網民提到，雖然「非法賽車」嘅人值得被捕，但佢更樂於見到警方對真正嘅「暴走族」執法，吸引到近4,000名日本網民讚好。