Lenovo旗下嘅Motorola團隊日前於Lenovo Tech World 23活動上，展示出一款可彎曲概念手機，能按用家需要屈曲成唔同角度，甚至可以當成手錶咁戴上手腕。

據官方介紹，呢款採用「適應性螢幕（Adaptive Display）」嘅手機具備6.9吋柔性pOLED面板，能夠屈曲成支架甚至對摺一半變成手環，當處於屈曲狀態時，顯示面積會自動調整為4.6吋，效果類似Motorola Razr+嘅外螢幕，但就未有透露機身重量及更多細節。

事實上，Lenovo早喺2016就展示過類似嘅手機，同樣能夠向後屈曲及變成手環，但整體顯得非常笨重，屈曲機身時更會發出「咔咔」聲。相較之下，可以見到今次嘅彎曲手機升級咗唔少，但會否正式量產仍有待觀察。

Lenovo曾於2016年展示過彎曲手機