Bandai Namco近日宣布推出Switch版《太鼓之達人》全新配件「健身鼓棒」控制器，簡單嚟講就係將Joy-Con手掣化身成鼓棍，讓玩家能夠更真實體驗遊戲內嘅「動態演奏」模式，而且每支棒內皆配備兩個砝碼，可按個人需求調整鼓棍重量，配合節奏揮動鼓棍，從而達到健身效果。

為配合新配件，Switch《太鼓之達人》系列最新作《太鼓之達人 咚咚雷音祭》將於今年冬季推出全新遊玩模式「全身咚起來」，玩家可以手持健身鼓棒，幻想眼前有一個巨型太鼓，伴隨節奏敲打迎面而來嘅音符，完成演奏後更會顯示當次遊戲所消耗嘅卡路里，以作參考。

「太鼓之達人 健身鼓棒 for Nintendo Switch」售價為3,300日元（約$170港幣），12月13日正式發售。