講到遊戲界嘅炒冷飯高手，相信CAPCOM敢認第二，都冇人敢認第一，當中又以《生化危機》系列重製版最受歡迎，採用全新引擎提升遊玩體驗之餘，又保留原作大部份劇情及內容，深得玩家歡心，《RE2》、《RE3》、《RE4》三部作品均賣出超過500萬份。眼見大家咁捧場，最近Capcom就表示未來將會推出更多《生化危機》重製版遊戲。

據外媒《IGN》報導，近日《生化危機4 重製版》製作人「平林良章」及總監「安保康弘」於PlayStation活動上，被問到CAPCOM會否繼續重製《生化危機》系列時，兩位都交出肯定嘅答案：「是的，到目前為止，我哋已經推出咗三部重製版作品，並獲得非常唔錯嘅評價。作為一個熱愛呢啲舊遊戲嘅人，我好高興能令現代現眾可以玩到呢啲遊戲，所以我哋希望製作更多。」不過，兩人就未有透露下一款重製嘅作品將會係邊一代。

對此，IGN就做咗個調查，結果顯示最多Fans希望重製《生化危機 聖女密碼（Resident Evil Code: Veronica）》，其次就係最經典嘅《生化危機1》以及較為重視體術嘅《生化危機5》，唔大家又最想邊一集重製呢？