{ SKIP }
文:MenClub 艾力克  
POSTED ON 07 Dec 2023

Angelina Jolie表示如果佢喺2023年先加入演藝圈,好大可能唔會成為演員,或者會向舞台界發展,但肯定唔會選擇喺荷里活工作及生活。

近日Angelina Jolie接受《The Wall Street Journal》專訪分享離婚後生活及未來計劃,坦言自己已經受夠鎂光燈下嘅生活,表示當初入行嗰陣,並冇諗過要向大眾公開及分享咁多,假如係今日先入行,佢唔會選擇成為演員。

除此之外,Angelina Jolie亦表示與Brad Pitt嘅婚變令佢身心疲憊,血糖忽高忽低,離婚前6個月更出現貝爾氏麻痹症(面癱),而且每次出門都會被注視及媒體報導,導致幾乎冇晒社交生活,唯一最親密嘅朋友就係佢6名子女,所以佢正在計劃離開荷里活呢個唔健康嘅地方,搬到柬埔寨定居。然而,因為目前仍然與Brad Pitt有離婚官司在身,所以計劃被迫推遲,同時冇辦法自由生活及到處旅行,一旦所有事件安頓好,佢就會立即行動。

《Maria》劇照

目前Angelina Jolie剛剛拍完由Pablo Larrain執導嘅傳紀電影《Maria》,講述美國籍希臘女高音歌唱家Maria Callas嘅一生,而佢亦承諾將會回歸演出《Maleficent(黑魔后)》第三集。

Angelina Jolie與柬埔寨嘅緣份可以追溯到2001年電影《Lara Croft: Tomb Raider(盜墓者羅拉)》,當時Angelina Jolie首次踏足柬埔寨,並發現該國遭受戰爭蹂躪後嘅慘況,令佢意識到呢個世界有更多人需要幫助,於是佢主動連絡聯合國難民署申請成為親善大使(Goodwill ambassador),出錢又出力造訪各地難民營,並於2002年在柬埔寨領養首位養子Maddox,同時成立基金會改善當地鄉下醫療及教育問題。2016年更執導首部劇情長片《First They Killed My Father(他們先殺了我父親)》,向觀眾講述70年代紅色高棉時間期發生嘅大屠殺事件。

資料來源:The Wall Street Journalvarietynbcnews
如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025