為慶祝《ONE PIECE》將於明年迎來25周年，官方日前宣布將推出重製版動畫《THE ONE PIECE》，由製作過《進擊的巨人》第1-3季嘅動畫工作室WIT STUDIO操刀、Netflix負責發行，新作將以現代技術從原著漫畫第一話開始重製整個「東海篇」，亦即係講述路飛進入偉大航道前結識卓洛、娜美、烏索普以及山治嘅過程。

由尾田榮一郎創作嘅《ONE PIECE》自1997年開始連載，並於1999年推出電視動畫，至今已經播出1088集，考慮到「東海篇」有成61集，若然重製嘅話確實相當大工程。目前官方尚未公布具體播出時間，但可以預計唔會短時間內推出，有興趣嘅朋友請密切留意官方消息。

圖片截自《ONE PIECE》「東海篇」原版動畫