嚟緊每個禮拜六晚上都會播出網絡節目「木村さ〜〜ん! (木村桑！)」，有興趣嘅朋友快啲subscribe！

早排過完51歲生日嘅木村拓哉，元旦日正式開設個人YouTube頻道，發布首段影片向Fans送上新年祝福，同時宣布去年3月份結束嘅網絡節目「木村さ〜〜ん! 」將轉移到YouTube重新開播，屆時會邀請各位豪華嘉賓一同玩樂，最新一集將於日本時間1月6日（六）晚上10時播出。

頻道開設短短幾日，已吸引9.45萬人訂閱，而首部影片亦錄得39萬次觀看，可見木村嘅人氣仍然十分強勁。另外，木村亦表示未來會喺頻道發布其他音樂內容及MV，敬請大家期待。