自從Microsoft於2020年發布Xbox Series X及Series S後，因為其外型四四方方，有別於以往遊戲機造型，所以被唔少網民笑似雪櫃、飯盒、爐頭、喇叭等家居用品，並製成一系列meme圖廣為流傳。面對網民嘅惡搞，Microsoft早些年就真係出咗部Xbox Series X迷你雪櫃自嘲，結果瞬間被搶購一空，如今Microsoft再次惡搞自家主機，聯同美國Walmart推出Xbox Series S造型多士爐，要價39.99美元（約$312港元），但目前顯示已售罄，唔知會唔會再返貨。

據官方介紹，呢款多爐一次可以烘烤兩塊12cm多士，並會喺麵包上烙印出球狀Xbox Logo，同時具備一般烘烤、解凍、焗烤Bagel三種模式，以及6段烘烤焦度可選，非常適合開Party嗰陣炒熱氣氛，同時亦係Xbox玩家首選禮物。