一旦發現就返唔到轉頭...之後點睇都會形住個三條沙蟲係「芝娃娃」。

隨住《Dune: Part Two（沙丘瀚戰：第二章）》即將上映，官方日前公開多張海報，各方勢力人物聚首一堂、氣勢磅礡。不過，其中IMAX版海報就因為令人聯想到「芝娃娃」，引起網民紛紛轉載及討論，有人更發揮創意直頭將海報P到變成芝娃娃，唔通係官方特別設計嘅隱藏彩蛋？

《Dune: Part Two》將延續第一集故事，講述Atreides家族慘遭Harkkonen家族殲滅後，Paul與其母親Lady Jessica融入弗雷曼人(Fremen)文化與生活，並學識駕馭強大嘅「沙蟲」，誓要向Harkkonen家族展開復仇。導演Denis Villeneuve強調今次將會比第一集更加精彩，更似一部動作片，如果覺得第一集「悶」嘅朋友，不如畀多次機會？電影將於2月29日於香港上映，片長166分鐘。

有網民就將海報中嘅沙蟲改圖為芝娃娃。（圖片來源：reddit）