奧斯卡金獎影帝Leonardo DiCaprio除咗出名演技好，最為人津津樂道嘅就係佢私底下係一名風流倜儻嘅「超模殺手」，歷年嚟交往過嘅女友不計其數，而且位位都唔超過25歲。曾經同佢合作過《Blood Diamond（血鑽）》嘅導演Edward Zwick最近就分享多一則趣聞，揭示Leonardo似乎會透過Victoria’s Secret目錄挑選女友。

《The Great Gatsby》劇照

近日奧斯卡金像大導Edward Zwick於新書《Hits, Flops, and Other Illusions: My Fortysomething Years in Hollywood》透露，有日佢喺片場見到Leonardo坐喺櫈上等埋位開戲，而手上就翻閱緊一本Victoria’s Secret目錄，於是導演就好奇地問：「你做緊啲咩？」，Leonardo並沒有回答，而坐喺Leonardo身旁嘅Jennifer Connelly（《血鑽》女主角）就望都冇望過一眼地表示：「shopping」。

Fantastic anecdote featuring Leonardo DiCaprio and Jennifer Connelly in Ed Zwick’s (extremely enjoyable) new memoir. pic.twitter.com/BEfLu5tZX8

— Bilge Ebiri (@BilgeEbiri) February 3, 2024

Leonardo身為男性理應就唔會買嚟自己著嘅，所以Jennifer Connelly嘅回答似乎意指Leonardo會透過睇內衣目錄物色心儀對象，而咁啱得咁橋，Leonardo有好幾任女朋友都係Victoria’s Secret嘅「Angel」超模，例如Eva Herzigova、Helena Christensen、Erin Heatherton以及Gisele Bundchen等等。順帶一提，Leonardo現任女友Vittoria Ceretti亦係一名超模。

View this post on Instagram

A post shared by Vittoria Ceretti (@vittoria)