由FromSoftware開發嘅奇幻RPG大作《Elden Ring（艾爾登法環）》自2022年推出後大獲好評，即使難度頗高又唔易上手，仍吸引大量新舊「魂系」玩家入坑，全球大賣超過2000萬份，更橫掃多個年度遊戲大獎（GOTY）。最近就有知情人士爆料，指騰訊正致力將呢款人氣大作改編成手機遊戲版本！

據外媒《Reuters》引述三位知情人士透露，騰訊自2022年購入FromSoftware約16%股份並取得《Elden Ring》版權後，就組建一隊數十人嘅團隊開發手遊版原型，不過進度非常緩慢。雖然原版《Elden Ring》屬於買斷制遊戲，但騰訊就希望手遊版採用免費下載及內建付費商城（課金系統）營運模式，玩家可以透過課金增加角色能力，類似競爭對手米哈遊開發嘅《原神》。

目前騰訊及 FromSoftware並未對此作出回應。