{ SKIP }
文:MenClub 魏文青  
POSTED ON 23 Feb 2024

講起「性侵」,絕大多數人腦中出現嘅,都係男性侵犯女性嘅畫面,甚至唔少人會覺得男性一來身體力強唔可能被逼,二來大概本身就唔抗拒唔算「被逼」,所以根本就唔可能成為「受害者」。但其實男性被女性性侵嘅情況,可能遠比大家想像中嚴重。近日一個英國研究就發現,有高達71%英國異性戀男士曾有被性侵嘅經驗,而且仲同各種心理問題有所關聯。

首先,研究中嘅「性侵(Sexual Victimization)」定義係「透過身體力量、心理脅迫或利用對方不清醒(例如飲醉)等情況,嘗試或實際進行嘅非情願性活動」。而「性活動」嘅定義則由「觀看色情內容」、「攬攬錫錫」到「揸揸摷摷」再到性交、口交等各種行為都包攬其中。

研究透過網上問卷收集到1,124名18至84歲英國異性戀男士嘅回覆,希望從中了解到英國男士被女性性侵嘅相關數據。

結果就發現,有高達71%受訪者表示自己人生中曾被女性性侵最少一次,57%表示有兩次、45%人表示多於兩次。性侵行為種類方面,有45%表示曾被女性「觸摸或抓緊」,另外有近40%男士表示曾被逼與女性進行性交、口交或肛交,當中只有5%為女方以身體力量「硬上」,33%係女方透過講大話、威脅分手、多次軟磨硬泡等「壓力手段」而得逞,最後則有近30%係女性利用男性飲醉、用藥後嘅不清醒狀態成事。顯示女性雖然難以單靠身體強逼男性進行性行為,但就可以利用其他方法,又或係男性嘅弱點行兇。研究亦發現回報嘅被性侵次數越多,受訪者就越傾向面對焦慮、抑鬱或PTSD等心理問題。

資料來源:Male Sexual Victimization by Women: Incidence Rates, Mental Health, and Conformity to Gender Norms in a Sample of British Men

講咗好多年嘅中國3A動作遊戲《黑神話:悟空》將於今年8月正式推出,最近官方就再公開一條實機預告片,並同時宣布簡體中文PC版僅售268人民幣,定價比一般3A大作便宜一半! 《黑神話:悟空》由中國遊戲廠商 ...
hobby
【電玩】中國3A大作《黑神話:悟空》公開最新實機預告!PC版售價僅268人民幣
21 May 2024
迪士尼《魔盜王》系列即將迎來重啟,早前先話過「唔會等待某些演員回歸」嘅監製Jerry Bruckheimer近日突然改口,表示希望Johnny Depp能夠回歸,但前提係佢有足夠嘅話語權。 迪士尼目前正計劃重啟《魔盜 ...
hobby
【影視】《魔盜王》監製:如果我有決定權,我希望Johnny Depp能夠回歸
21 May 2024