{ SKIP }
文:MenClub 魏文青  
POSTED ON 22 Feb 2024

一眾褪色者等到頸都長嘅《Elden Ring》DLC《Shadow of the Erdtree》日前終於公開預告,當中除咗見到新地圖、大量新Boss以及新武器、新法術之外,最重要嘅就係有發售日期:6月21日!

BANDAI NAMCO於昨日凌晨時份公開《Shadow of the Erdtree》嘅預告。預告一開始就處於蒙格嘅Boss房內,一個不知名角色(可能係玩家?)遠遠望住被蒙格擄走後被困於隻「蛋」內,只餘一隻手在外嘅米凱拉;而旁白就提到米凱拉「純潔又散發光茫,用愛去潔淨人們的心靈」,但之後話鋒一轉:「沒有其他東西比這樣更可怕。」基本上一開始就點明DLC會以米凱拉為主題。

其後就大量展示咗DLC中嘅新地圖地形、敵人及Boss。例如Boss中有一隻獅頭獅身但後腳係人腳嘅獅子。中段則有個身穿紅衣、紅髮,疑似係米凱拉本人嘅角色說道:「母親,你真的把為王之任交付無光者了?」,似乎代表佢對於佢阿媽「女王瑪麗卡」將艾爾登之王交付畀玩家們感到不滿。然後就展示咗唔少新技能,當中最搶眼嘅,大概係有角色以連環腿踢向敵人。

而到影片末段,就展示咗與前述紅衣角色嘅戰鬥。值得一提嘅係,此時旁白提到:「對不受黃金賜福的 賜下死亡…受梅瑟莫(Messmer)之火吞噬吧。」而梅瑟莫係《Elden Ring》中未出現或提到過嘅角色。

目前能透過預告確定嘅,就係DLC會以米凱拉嘅故事為主題,標題中嘅「暗影之地」就係主舞台,算係符合大部份玩家對DLC嘅期待。至於預告中最大嘅謎團「梅瑟莫」係邊個,目前主要有兩種猜測。第一係基於《Elden Ring》官網中嘅故事簡介,指米凱拉來到暗影之地,而暗影則係一個被梅瑟莫燃燒嘅地方,似乎代表梅瑟莫係原生於暗影之地嘅新角色。

另一邊廂,預告下方就有人提出一個睇落幾合理嘅猜想。由於之前有玩家發現《Elden Ring》中曾出現一個最終版被刪除,叫做「聖女托莉娜(Saint Trina)」嘅角色,疑係係米凱拉嘅「性轉版」,而「聖女托莉娜」似乎係掌管夢。故此玩家推斷DLC嘅劇情係進入米凱拉/托莉娜嘅夢,以解救被擄走後沉睡於繭中嘅佢哋。而「梅瑟莫」則可能係米凱拉被困後創造出黎嘅另一人格,亦因為咁所以預告中嘅梅瑟莫(或者係米凱拉本人)先會生得咁似佢孖生細妹瑪蓮妮亞。

近年全球卡牌潮玩市場急速增長及擴張,據TechSci Research於2023年11月發佈的「集換式卡牌遊戲市場」調查報告,2022 年全球集換式卡牌遊戲市場價值為 64 億美元,到 2028 年更預計會高達101.9億美元。因應呢股熱潮, ...
hobby
【玩物】全港首個最大型卡牌及珍藏品展 「GRADE 10亞洲巡迴卡展」
19 Apr 2024
若收購成功,Sony Pictures將獲得《Mission: Impossible(職業特工隊)》、《Top Gun(壯志凌雲)》、《海綿寶寶》等一系列著名IP。
hobby
【影視】消息指Sony Pictures及投資管理公司Apollo正洽談聯手收購派拉蒙
19 Apr 2024