相信唔少人細個都玩過「數碼暴龍機」，為培養最強數碼暴龍日Chok夜Chok，甚至帶埋返學校喺枱底偷偷地Chok。適逢《數碼暴龍》動畫問世25周年，最近日本BANDAI宣布推出「數碼暴龍機 25th COLOR EVOLUTION 」，等各位大朋友能再次成為「被選中嘅細路」以彩色螢幕回味童年。

「數碼暴龍機 25th COLOR EVOLUTION 」外觀上忠實還原1999年第一代暴龍機，並升級為全彩液晶螢幕，支援USB-C充電，而機身外圍更加入LED燈，當對戰及進化時部機會閃閃發光，同時收錄大量進化動畫，配音以及「Butter-Fly」（即係遇怪魔我即刻變大個）、「Brave Heart  」（進化音樂）等經典BGM，讓玩家重溫初代《數碼暴龍》劇情。

戰鬥系統方面亦有升級，玩家可以選擇「按下指定鍵」、「連擊按鍵」以及「Chok機」三種模式對行對戰，並可以同先前推出過既全彩暴龍機進行連機對打。普通版售價為11,000日元（約$580港元），太一及阿和限定配色版本售價則為16,500日元（約$875港元），現於日本BANDAI官網接受預訂，預計今年7月正式發售。