啱晒啲有選擇困難症，又或者純粹想搵啲嘢播嘅朋友！

串流平台嘅出現，改變咗大家嘅收視習慣，能夠隨時隨地選擇心儀節目觀看，但與此同時，有時又會因為花多眼亂而唔知睇乜好。最近就有消息指Disney+打算回歸傳統電視模式，推出24小時含廣告串流頻道，全天候播放自家作品。

據外媒《The Information》報導，Disney＋應用程式計劃增設全新頻道，類似傳統電視台咁無間斷播放《Star Wars》，《Marvel》、Pixar系列以及迪士尼經典動畫等作品，藉此增加用戶使用App嘅時間及廣告營收。不過用戶仍需要付費訂閱Disney＋才能收看，而且頻道內將含有強制廣告，無法跳過。