{ SKIP }
文:MenClub 魏文青  
POSTED ON 30 Apr 2024

每個男人都有個「機械人大戰」夢,無論係好似高達咁坐喺入面撳掣操控,定係好似《機動武鬥傳G》咁動作操控,甚至好似《鐵人28》咁用搖控器控制,總之係有「機械人」同「打交」我哋就會兩眼發光。而東京鐵塔下新開幕嘅「RFIGHT機械人格鬥」,就能夠完成大家控制機器人打交嘅夢想啦。

位於東京鐵塔下「RED゜TOKYO TOWER」嘅「RFIGHT」,係一個上週先正式開幕嘅遊樂園區,賣點就係玩家可以親自坐入「機械人」入面,用自己嘅動作控制機械人與對方對打。每位玩家都會有自己嘅「HP值」,被打中就會扣血,將對方HP扣到零,或者時間到時HP較高者為勝。而玩家被擊中嘅同時,亦會增加一個特殊攻擊氣槽,儲滿之後就可以使出「10秒間攻擊力兩倍」、「10秒間無敵」、「僅限一擊5倍攻擊力」等「必殺技」。而旁觀者亦可以透過場外嘅平板電腦為玩家「上Buff」,增加攻擊力或加快儲滿特殊攻擊氣槽,可以話係一個既考體力、亦考策略嘅實體對戰。

不過要留意嘅係,雖然名為「機械人格鬥」,但實際上玩家操縱嘅,係一台「外骨骼機甲」。其外形同《異形2》最後,女主角同異形女王決鬥時所駕駛嘅動力服頗為相似,但就冇額外嘅摩打提供動力,所以機械人嘅舉手投足都係靠玩家本人嘅力量。壞處就係同大家想像中嘅「機械人大戰」有些少出入,但好處就係機甲較輕(約15kg),所以對玩家體力要求較低,同時亦較安全。另外機械人嘅拳頭係海綿製成,以減輕衡擊力,亦有透明面板保護玩家嘅頭部。

收費方面,除入場費外每人每玩一次要600Yen(30秒一局,遊玩時間大約兩分鐘)。而且只要7歲以上、身高110cm至200cm,體重不超過120kg、同有著襪就可以玩。如果大家下次去東京旅行,都可以考慮下啦。

資料來源:RFIGHT ロボットファイト

雖然《F1》已上映近一個多月,但後勢依然強勁,全球房票在日前正式突破5.45億美元,唔單止係Apple TV+有史以來最賣座嘅院線作品,仲超越咗Brad Pitt喺2013年《World War Z(地球末日戰)》創下嘅5.4億美元票房,成為 ...
hobby
【影視】《F1》全球票房突破5.45億美元 成為Brad Pitt演藝生涯最賣座電影
06 Aug 2025
繼2015年「LEGO IDEAS 21303」後,LEGO事隔十年再次推出Pixar動畫《太空奇兵威E(WALL-E)》模型。而且今次除咗有主角威E,就連伊芙(EVE)、清潔機械人毛仔(M-O)同小蟑螂(Hal)都有份! 呢款模型由 ...
hobby
【玩物】LEGO重推《太空奇兵·威E》積木套裝 今次仲加入EVE及M-O!
05 Aug 2025