BANDAI SPIRITS旗下玩具品牌TAMASHII NATION宣布，將於今年9月推出《薩爾達傳說》傳奇武器「大師之劍」，長達105cm有音效仲要識震，只係差在唔識發光。

據官方介紹，呢把全長105公分嘅「大師之劍」由ABS材質製作，忠實還原原作外觀造型，包括銀白色嘅劍身、模仿海利亞女神飛鳥紋章嘅青紫色劍鐔，以及刻有三角神力標誌嘅劍鞘等等。除此之外，劍柄上更設有三個按鍵，按下後就會發出「大師之劍」相應音效並引發震動效果，並收錄多達8首歷代經典BGM。

「PROPLICA 薩爾達傳說 大師之劍」售價為22,000日元（約港幣），目前已於TAMASHII NATION網上商店接受預訂，預計今年9月開始發售。