{ SKIP }
文:MenClub 魏文青  
POSTED ON 28 May 2024

由澳洲導演George Miller創立嘅《Mad Max》電影系列,創作出一個極具特色、以汽車為主嘅末日廢土世界,除咗直接影響武論尊嘅漫畫《北斗之拳》外,亦影響《Fallout》等遊戲作品。而近日George Miller接受訪問時,就表示希望唔太滿意2015年推出嘅同名遊戲,並點名遠赴美國參加系列新作《Furiosa》首映嘅小島秀夫,希望佢可以接手開發出新嘅《Mad Max》遊戲。

 

卻說外媒《Gaming Bible》於《Furiosa》紅毯上詢問George Miller有冇將電影遊戲化嘅意願,而George Miller就回答:「其實《Fury Road》(2015年上映)推出時我哋出過一隻——好多人黎問過我哋——但我覺得嗰隻Game冇我想像中咁好。你知道,我係嗰啲如果唔能夠將件事做得完美、或至少嘗試做得完美嘅話,我就唔願意做嘅人。我啱啱同專程喺日本飛黎嘅小島傾過計,佢個腦有好多絕妙嘅想法,如果係佢嘅話——我唔會問佢肯唔肯,但如果佢肯嘅話,我就冇任何意見。」

圖片:Warner Bros.

值得一提嘅係,小島秀夫睇完《Furiosa》首映後,向日本傳媒表示電影「遠超大家嘅期望,唔係你會唔會睇嘅問題,而係接下來嘅人生中你會睇幾多次嘅問題。電影雖然簡單,但每睇一次你都會搵到新嘅角度,無另一部電影能出其左右。特別係個結尾相當出色。」而事後佢亦於X(Twitter)多次轉發與《Furiosa》嘅相關新聞,當中就包括George Miller隔空「許願」佢為系列開發遊戲嘅報導。莫非真係有機會成事?

資料來源:theriver.jp

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025