由James Cameron執導，Leonardo DiCaprio與Kate Winslet主演《鐵達尼號》（Titanic）可謂一代經典愛情電影，即使上映至今20多年，淒美動人嘅情節依然歷久常新。不過，最近Kate Winslet就大爆浪漫場面背後其實非常尷尬，其中甲板之吻一幕仲好似食緊朱古力棒。

近日Kate Winslet接受外媒《Vanity Fair》訪問時透露，當年佢同Leonardo DiCaprio於甲板上嘅定情之吻並非世人所吹棒咁浪漫，首先導演James Cameron因為想要一個獨特嘅光線，所以呢一幕拍咗4次。其次就係佢哋拍攝「I'm Flying」個位要爬樓梯先上到，化妝人員無法上去幫忙補妝，Kate要將啲化妝品收埋喺裙入面，一cut機就要自行補妝。但最尷尬嘅係，由於兩個人都畫上濃妝，所以佢吔每次激吻完都會甩咗啲妝落對方臉上，Leon嘅深色化妝品甩Kate成臉都係，而Leon亦被Kate嘅淺色化妝品搞到塊臉好似冇咗一忽咁，Kate形容佢每次錫Leon都好似吮緊條朱力古棒。除此之外，Kate亦抱怨劇中嘅束胸衣服令佢非常唔舒服，緊到差唔多抖唔到氣。

話雖如此，但Kate Winslet都為拍過《鐵達尼號》而感到非常自豪，並認為每個世代嘅觀眾都能從中搵到非凡之處。