{ SKIP }
文:MenClub 魏文青  
POSTED ON 22 Aug 2024

沙地舉辦嘅「電競世界盃」由6月開打,由於包含嘅遊戲眾多,所以一路打到依家都未完,相關活動亦當然繼續進行。其中巴西球星尼馬近日就參加電競世界舉行嘅名人表演賽,更於《Tekken 8》項目中擊敗其他名人奪冠!

右為Msdossary


 

尼馬於去年夏天加盟沙地阿拉伯球隊Al Hilal,但10月就因為參加國際賽時左膝受傷,結果要長抖10個月,預計9月先復出。但再次出戰球場之前,尼馬日前就以嘉賓身份出席同樣於沙地首都利雅德舉行嘅電競世界盃,除咗與觀眾互動、接受訪問等公關活動之外,佢仲會接連出戰《Counter-Strike 2》、《Rocket League》及《Tekken 8》嘅名人賽。而其中日前嘅《Tekken 8》名人賽中,尼馬就擊敗一眾對手成為冠軍!電競世界盃嘅官方X(Twitter)及IG亦分別出文慶祝尼馬成為「Champion」。

聽落就好似好勁呀可?但其實除咗尼馬之外,參加呢個名人賽嘅就只有沙地阿拉伯嘅《FIFA》電競選手「Msdossary」(《Counter-Strike 2》及《Rocket League》二人分別組隊),換言之每個遊戲只需贏一場就叫贏。最後尼馬與隊友先於《Counter-Strike 2》勝出,然後《Rocket League》中「Msdossary」扳回一城,最後二人於《Tekken 8》五盤三勝打到最後一局先分出勝負,尼馬贏得名人賽冠軍。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025