由CDPR及日本公司TRIGGER共同製作嘅《Cyberpunk 2077》衍生動畫《Cyberpunk: Edgerunners》，憑藉引人入勝嘅背景設定、精彩打鬥場面以及扣人心弦嘅劇情，在2022年推出後成功收穫大量Fans，並吸引數十萬計老玩家「回流」及新玩家入手原作遊戲，創下多項紀錄。

雖然官方曾多次強調《Cyberpunk: Edgerunners》係一套獨立作品，並唔會推出續集，但最近CDPR執行長就喺財報會議上表示：「我哋確實對《Cyberpunk 2077》動畫有更多計劃，所以大家可以期待睇到更多作品，目前只能透露咁多。」換言之Fans們可以期待未來能夠睇到更多相同風格嘅動畫，希望下部作品都能夠好似《Edgerunners》咁高水準啦。