《小熊維尼：血與蜜》製作團隊再度顛覆大家童年回憶，今次小飛俠Peter Pan將化身為誘拐兒童嘅恐怖殺人狂。

隨住眾多經典童話故事走進公家領域、任由所有人免費改編二創，英國片商Jagged Edge Production再度出擊！呢部名為《Peter Pan’s Neverland Nightmare》嘅恐怖真人版小飛俠，將原著中帶領小朋友前往夢幻島嘅Peter Pan，重新塑造成誘拐兒童嘅連續殺人狂，外型及行為猶如《Halloween（月光光心慌慌）》以及《It（牠）》嘅邪惡小丑，氣氛營造更勝《血與蜜》，預計今年10月在美國特定地區上映。