Netflix真人版《ONE PIECE》第二季正如火如荼拍攝中，最近官方正式公布最後兩位要角「沙鱷魚」及「魯賓」人選，並搶先曝光索柏背影片段，唔知正面會係咩樣呢？

據官方報導，曾於Tobey版蜘蛛俠扮演Flash Thompson(閃電·湯普森）嘅Joe Manganiello將飾演「Mr.0/沙·鱷魚」克洛克達爾，而「妮歌·魯賓」則由俄羅斯演員Lera Abova出演。除此之外，官方亦公開一段幕後影像搶先曝光索柏造型，不過只有短短2秒而且得個背影，似乎團隊已決定採用CG技術呈現，類似《POKÉMON 神探Pikachu》、《超音鼠大電影》嘅效果。

《ONE PIECE》第二季將涵蓋洛古鎮（海賊王羅傑出生及處死之地）、雙子岬（偉大的航道入口）、威士忌山峰、小花園（首次遇見巨人多利及布洛基）以及索柏家鄉圓鼓屋頂島多個場景，講述路飛一行人正式進入偉大航道，招募索柏及拯救雪花石膏王國，期間路飛將會對上時任「王下七武海」沙·鱷魚以及佢所領導嘅犯罪團夥「巴洛克公作社」，而魯賓亦會喺中段登場，預計2025年內播出。