{ SKIP }
文:MenClub 艾力克  
POSTED ON 04 Oct 2024

憑出演《Euphoria》一炮而紅嘅Sydney Sweeney近年極速上位,接戲接到冇停手,更被封為新世代性感女神,隨住人氣上升,自然亦成為狗仔隊跟拍對象。最近Sydney Sweeney接受訪問時就大呻,狗仔隊已經跟到去佢屋企,甚至要求佢著Bikini擺拍先肯離開,令佢覺得安全受到威脅。

最近Sydney Sweeney接受《Glamour》雜誌「2024年度女性」專訪時表示,最近狗仔隊愈嚟愈倡狂,甚至跟蹤到屋企門外,誓要影到佢著Bikini先肯離開:「佢哋喺屋外對住我家人大叫大喊:『只要你哋叫Sydney Sweeney著住Bikini出嚟,我影完相就會走人,唔會再煩你。』」與此同時,佢亦反駁網絡上指佢自己搵狗仔隊炒作嘅說法:「我有咩可能會請狗仔隊嚟我屋企影相?當時我嘅堂表親同家人都喺度,而我自己就喺後花園,我點會想咁做呢?我有呢班人坐住獨木舟匿埋喺海邊草叢嘅相,佢哋朝早8點已經出現,一直到下午4點先離開。」

不過最令Sydney Sweeney困擾同擔心並唔狗仔隊嘅行為,而係怕照片一旦公開,所有人都會知道佢住邊,對佢安全構成威脅。Sydney Sweeney表示:「依而有船經過,我有時都會聽到有人話:『呢到係Sydney Sweeney屋企呀』我屋企前院已經變成觀光景點了。」

除此之外,訪問中亦談到Sydney Sweeney身材經常成為外界焦點。對此,佢就採取正面態度,表示好多年輕Fans因為佢而變得對自己身材更有自信,令佢感到非常欣慰:「呢啲評論對我嚟講意義重大,因為我相信賦予他人力量,並對自己身體有自信,以及擁抱自己性魅力非常重要,所以如果你有胸部,咁就好好炫耀一下。」

資料來源:variety
由鬼才導演Paul Thomas Anderson執導,Leonardo DiCaprio主演嘅《One Battle After Another(一戰再戰)》雖然贏盡口碑,甚至被睇好有望衝擊來年奧斯卡,全球票房亦有1.4億美元進帳,但由於製作成本高昂,預計最終可 ...
hobby
【影視】里安納度新作口碑爆棚卻票房失利 《One Battle After Another》料蝕1億美元
16 Oct 2025
隨住《X-Men》版權重歸Disney手上,而Channing Tatum本人又於《Deadpool Wolverine》中演Gambit一角,或者唔少人都期待佢口嗰套講咗好多年嘅《Gambit》獨立電影有望開拍。不過近日Channing Tatum就透露,就算真係拍 ...
hobby
【影視】Channing Tatum透露《Gambit》拍唔成原因 「Disney唔會批R級變種人性愛場面」
16 Oct 2025