到我近排得知原來荷里活諗住拍一套真人版《爆旋陀螺》，我先知道原來阿王係咁有先見之明！！

話說派拉蒙電影(Paramount Pictures)近年試過將「孩之寶」旗下嘅《變形金剛》同《G.I Joe》改篇成真人電影而且大受好評(Well，除咗《變形金剛4》)，於是決定繼續同「孩之寶」合作推出真人版電影。而今次雀屏中選嘅，就係1999年推出嘅《爆旋陀螺(日文:爆転シュート ベイブレード)(英文:Beyblade)》。據說《爆旋陀螺》系列歷年銷售總額已經達到25億美元(!!!)，09年推出第二代《鋼鐵戰魂》，而黎緊七月仲會推出第三代！所以喺呢個時候推出真人版電影就完全係食哂條水！

問題係一套連細路仔睇都覺得有啲荒謬嘅動畫，加上荷里活CG效果，究竟會成就另一套《變形金剛》定係另一套真人版《龍珠》呢？目前唯一知道嘅就係導演會係《Pacific Rim》同《哥斯拉》製作人May Parent。唔……都叫信心保證…啩？我估？應該？