向來鍾情於CG動畫又敢於創新嘅黎明(Leon)，昨日推出全新廣東歌《七十二變》兼MV，配合主題潮玩生成式AI，以百變造型致敬多部經典電影，令Fans們又驚又喜。

已經一段時間冇出歌嘅Leon，昨日突然在Facebook表示：「秋風起！巴B Q！咪着涼！燒燶咗！禁食佢！出新歌 之 黑話題：『七十二變』」並同步發布新歌《七十二變》MV。為配合主題，黎明透過AI於片中化身成多個經典角色，包括《功夫》包租婆、《賭神3之少年賭神》高傲、《破壞之王》斷水流大師兄、《火影忍者》鼬太知、《阿拉丁》燈神、《甜蜜蜜》黎小軍、《劫後重生》Tom Hanks、孫悟空等等。唔知大家又鍾意Leon邊一個Look呢？

BTW：若然大家睇返《全日愛》、《你係我嘅》、《喜》、《聽身體唱歌》等MV，就知道黎天王一向走得好前。