{ SKIP }
文:MenClub 魏文青  
POSTED ON 14 Oct 2024

相信就算唔特別提,大家應該都知拍得出《Ready Player One (挑戰者1號)》嘅名導演Steven Spielberg非常熱愛電子遊戲。但實際上佢又有幾鍾意打機呢?近日佢個仔、目前係遊戲開發者嘅Max Spielberg就於節目中大爆老豆嘅打機習慣,仲話老豆堅拒使用手掣打機。

Steven Spielberg年輕時熱愛街機
Steven Spielberg於2014年E3展中試玩《Battlefield 4》

話說Max Spielberg早前接受遊戲媒體《MinnMax》訪問時,就提到老豆對自己嘅影響。佢話老豆非常熱愛打機,事實上佢自己亦係受老豆影響佢先會開始打機。打機亦係兩個人之間嘅重要共同話題,Steven Spielberg會問Max:「近排有咩好Game呀?我應該玩邊隻《Call of Duty》呀?推薦五隻射擊Game黎我試下,然後等你過黎就一齊玩啦。」從上文亦可見Steven Spielberg對射擊遊戲嘅鍾情,Max亦指出老豆「永遠都玩《Call of Duty》,佢好鍾意《Call of Duty》,仲係玩故事模式添!」有趣嘅係,Max Spielberg早年曾於EA工作,負責開發《Medal of Honor》系列。

Max Spielberg

Max指老豆非常鍾意劇情為主嘅遊戲,所以曾經向老豆推薦Sony遊戲《Uncharted》系列,認為遊戲同老豆執導嘅電影《Indiana Jones》有幾分相似,佢應該會鍾意。但結果老豆就以:「我唔用手掣㗎,我淨係用Keyboard Mouse㗎咋」而一口拒絕。Steven Spielberg對於手掣嘅抗拒程度,更去到當Max拎住自己有份開發嘅遊戲去畀老豆睇時,佢依然用「我唔用手掣」為由拒絕自己玩,最後係Max自己一邊玩一邊向老豆介紹隻Game。

資料來源:MinnMaxIGN

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025