{ SKIP }
文:MenClub 魏文青  
POSTED ON 29 Oct 2024

日本著名漫家家「高橋留美子」曾經創作《山T女福星》、《亂馬1/2》、《相聚一刻》、《犬夜叉》等經典作品,其筆下女角嘅可愛賣相及動靜更被視為日本動漫「萌」文化嘅起源。但你又有冇諗過高橋留美子年輕時原來都係個萌少女?近日日本X(Twitter)上,就有人拎咗「島本和彥」創作嘅漫畫《青之炎》中嘅高橋留美子出黎討論,發現高橋留美子當年好可能係個集「低身長、巨乳、眼鏡、旗袍、食煙飲酒」等多種萌屬性於一身嘅少女!

 

年輕時嘅高橋留美子

圖片:Wikicommon

依家嘅高橋留美子

《青之炎》係「島本和彥」自2007年起開始創作嘅自傳式漫畫,故事設定於上世紀80年代,講述大學生「焰燃」成為漫畫家嘅故事。故事嘅特別之於在於會出現大量同時期嘅真實漫畫家,而主角極為仰慕嘅高橋留美子當然係其中之一。而早前嘅連載中,就講到「焰燃」終於於漫畫家年尾聚會見到當年26歲嘅高橋留美子真人。而喺「島本和彥」筆下嘅高橋留美子,竟然係一個身穿旗袍、戴住有色眼鏡、一手拎住酒、一手拎住煙嘅低成長巨乳女性,可謂萌屬性滿載。

 

而早前有日本網友將「島本和彥」筆下嘅高橋留美子放上網,並笑稱「就算係真正嘅漫畫人物,放咁多萌屬性上身都會令人生氣」、「睇幾多次都覺得好笑」。帖文亦吸引到超過3600萬次觀看、8.3萬個讚好。當年嘅高橋留美子係咪真係咁萌,依家當然難以考證,但有網民貼出高橋留美子比較近代(即係比較老)嘅照片,發現佢上圍的確非常豐滿,顯示「島本和彥」嘅描繪似乎有一定真確性?

如果大家有印象,早期嘅Pixar動畫都會喺片尾放上(偽)NG鏡頭,例如角色唔記得台詞、工作人員唔小心入鏡、甚至撞到攝影機等蝦碌畫面,但自從《怪獸公司》之後,呢個傳統就停咗。而在今年7月上映嘅《外星奇遇記(Elio ...
hobby
【影視】Pixar動畫經典NG鏡頭回歸!《外星奇遇記》片尾搞笑片段率先曝光
13 Jun 2025
機迷唔使再爭論第一定第三人稱視角好啲喇,今集田任你切換!
hobby
【電玩】《生化危機9 安魂曲》公開主角及故事簡介 能自由切換第一人與第三人稱視角
13 Jun 2025