為慶祝《哥斯拉》誕生70週年，官方宣布與Bandai 《數碼暴龍》聯乘推出全彩暴龍機，並收錄了特別設計嘅哥斯拉戰鬥暴龍獸。

繼25周年彩色數碼暴龍機及《魔物獵人》聯乘暴龍機後，今次Bandai聯手經典特攝怪獸《哥斯拉》推出「哥斯拉vs數碼暴龍全彩暴龍機」，預計會有兩款外觀配色可供選擇。除咗延續原版暴龍機養成與戰鬥玩法，更收錄了半哥斯拉半戰鬥暴龍獸嘅原創Digimon，驟眼睇就好似哥斯拉穿上戰鬥暴龍獸嘅鎧甲，同時保留標誌性嘅發光背鰭，唔知要點樣先進化到呢！

目前官方尚未公布發售日期及售價，但從剪影圖片嚟睇，估計會採用類似《魔物獵人》聯乘暴龍機嘅硬件，有彩色螢幕並支援USB-C充電，更可以更換背景，詳情有待官方報續公布。