{ SKIP }
文:MenClub 艾力克  
POSTED ON 13 Nov 2024

動畫及遊戲世界入面,唔少用刀或劍嘅角色都會將武器孭喺背脊,遇上危險時就馬上拔劍迎擊敵人。不過,最近有日本Coser扮演「林克」時,卻發現原來冇辦法還原背後拔劍動作,引起網民熱議。

日本Coser「サキガケ」近日在X上分享扮演《薩爾達傳說》男主角「林克」嘅帥氣照片,超高還原度服飾及道具獲得大量讚好。最有趣嘅係,佢同時分享咗一段模仿「林克」從背後拔劍嘅短片,卻發現由於劍身太長,無論點拔都拔唔到出嚟,引起網民熱烈討論。其中有位動畫師就留言解畫,表示非常抱歉呃咗大家咁多年,事關單手拔劍其實係一種誤導,若然放慢觀看遊戲角色拔劍動作,就會發現劍身其實會穿過劍鞘,《巫師3》亦有出現類似情況。

 

 

隨住影片爆紅,《任天堂明星大亂鬥》製作人櫻井政博亦有留言回應,表示《任天堂明星大亂鬥 特別版》入面嘅林克,收劍時會將劍鞘向下拉動。雖然都係無辦法完美還原,但為咗符合動作及裝備設定,已經係團隊能夠做到嘅極限。

事實上,刀或劍能否從背後直接拔出,主要取決在武器長度及出鞘角度,例如「Deadpool」因為兩把武士刀夠短,所以可以直接拔出。如果武器真係太長,又唔想改短,專門研究刀劍嘅YouTuber「Shadiversity」就發明過一種開放式劍鞘,即使超長單手劍亦可以輕鬆從背後拔出。

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025