被譽為遊戲界奧斯卡嘅年度盛事The Game Awards(TGA)今日公布入圍名單，其中年度遊戲大獎(Game of the Year，GOTY)競爭者分別為《宇宙機械人》、《Balatro》、《黑神話：悟空》、《艾爾登法環 黃金樹幽影》、《最終幻想VII 重生》以及《暗喻幻想：ReFantazio》，大獎究竟最會花落誰家呢？

至於提名奬項數目方面，今年由SONY推出嘅《宇宙機械人》以7項提名領跑，《暗喻幻想：ReFantazio》以6項提名緊隨其後，再嚟就係《Balatro》與《Silent Hill 2 重製版》分別獲得5項提名。

同以往一樣，TGA由全球超過100間媒體所組成嘅評審團選出入圍遊戲，再由評審團及公眾投票選出最後贏家，當中評分比重為評審團90%、公眾投票10%。各位機迷可以到TGA官網為自己心儀嘅遊戲投下神聖一票，頒獎禮將於香港時間12月13日上午8點30分於洛杉磯Peacock Theater舉行，到時亦都有網上直播。

部份入圍名單如下，更多提名可到TGA官網查閱：