改編自微軟旗下大熱遊戲《Minecraft》嘅真人版電影《A Minecraft Movie》公開全新預告，神還原遊戲各種經典角色及玩法，就連全自動烤雞器都有份。

《A Minecraft Movie》由華納兄弟及傳奇影業共同出品，《Napoleon Dynamite（炸彈頭拿破崙）》導演Jared Hess執導，「水行俠」Jason Momoa、Jack Black、Emma Myers、Danielle Brooks等人主演。故事講述4位個性及背景迥異嘅人，機緣巧合下被吸入所有嘢都係由方塊組成嘅Minecraft世界，並遇上已在該地生活多年嘅Steve。為咗回到現實，各人必須掌握呢個奇異世界嘅規則及生存建設技巧，踏上一場大冒險。

從預告可見，電影還原了遊戲中各種耳熟能詳嘅道具及玩法，包括方塊形狀嘅怪獸與動物，紅石礦車、TNT、用作瞬移嘅終界珍珠、透過工作台製作長劍，甚至全自動烤雞器都有。相信各位Minecraft玩家會睇到非常有共嗚，預計2025年4月2日正式上映。