Netflix日前在公司首屆國際展示會上宣布，人氣劇集《今際之國的有栖》第三季將於2025年正式登場，山崎賢人、土屋太鳳將回歸主演，並由導演佐藤信介繼續執導，但未有透露具體劇情。

如果大家有印象，第二季結尾講到有栖一行人成功回到現實世界，不過失晒憶唔記得「今際之國」所發生嘅事，有栖同宇佐木在醫院再次相遇，由零開始重新認識對方，最後鏡頭轉向一張神祕「JOKER」卡牌，為劇集留下伏筆。

考慮到前兩季劇集已經交代晒原著漫畫所有劇情，第三季可能會係原創故事，又或者會改編自漫畫外傳篇章《今際之國的有栖Retry》。《Retry》故事設定在本篇事件結束後8年，26歲嘅有栖成為了一名心理醫生，並與宇佐木結為夫妻，有栖在前往醫院探望即將臨盆嘅宇佐木途中，突然被一塊廣告招牌砸中，然後又回到「今際之國」，同時喚起過往闖關嘅回憶。