最近日本佐賀縣嘅「岩屋川内水壩」，突破出現一幅巨型哥斯拉壁畫，忠實呈現出怪獸之王剪影，瞬速成為新興打卡景點。

為慶祝佐賀縣岩屋川內水壩建成50周年，當地政府與德國清潔品牌Karcher合作，以水壩作為畫布、高壓水槍作為畫筆，透過清理牆壁上積存多年嘅污垢，繪製出一幅栩栩如生嘅哥斯拉壁畫。

據介紹，呢項名為「哥斯拉in佐賀 大壩藝術項目 Powered by Karcher」嘅計劃籌備長達4個月，並由一行7人嘅專業團隊花費2星期時間完成。工作人員先在牆壁上使用噴漆標記位置，接著用高壓水槍勾勒出哥斯拉及建築物輪廓，最終塑造出一幅巨型壁畫。

官方表示，由於壁畫係透用自然環境創作嘅作品，所以維持到幾耐視乎天氣情況，如果大家對哥斯拉有興趣，而且最近又會去佐賀縣的話，不妨參觀一下呢個期間限定打卡景點。

地址：岩屋川内水壩（佐賀縣嬉野市嬉野町岩屋川内乙4487-33）