Netflix著名戀愛真人騷《單身即地獄》，自2021年推出以來備受影迷追捧，每季都能引起極大迴響。如今官方正式宣布第四季將於明年1月14日播出，並同步公開首部預告片及海報，唔知今季又會有咩型男索女呢？

在預告中，雖然官方未有正式介紹今季參加者，但就以一連串特寫鏡頭，展示參加者們火辣及精實嘅身材，為爭取愛情而大膽調情與肢體接觸。製作人金在元表示：「今季絕對比以往更加激烈火熱，尤其係天堂島嘅夜晚，一切都係歸咎於演員們嘅真誠、大膽與魅力。」與此同時，佢亦希望節目能夠延續至第十季，成為韓國最長壽嘅戀愛真人騷。