LEGO與任天堂近年頻頻合作，推出各款以《Super Mario》相關嘅角色組件擄獲唔小朋友嘅心。但對於一眾大朋友而言，記憶最深嘅應該都係2020年時LEGO與任天堂合作推出嘅「LEGO Nintendo Entertainment System (NES，即係俗稱灰機嘅美版紅白機）及復古電視機（71374)」。而睽違四年，LEGO終於再出任天堂主機嘅LEGO，而今次就係唔少人兒時回憶嘅Game Boy！

在 Instagram 查看這則貼文

LEGO（@lego）分享的貼文

卻說LEGO官方社交媒體，早前均上傳一條短短嘅預告，雖然留言中亦只話會係一部「經典任天堂主機」，但單憑預告中見到嘅「十字掣」及兩粒「紫色圓形按鈕」，加上預告最後大大個Game Boy標誌，大家都估到佢哋出嘅係LEGO版Game Boy。另一樣有趣嘅係，帖文中表示LEGO版Game Boy係今年10月先推出，換言之今次係提早大半年宣佈，唔少網民都笑稱「提早咁多講，應該係畀時間大家儲錢」。至於LEGO版Game Boy真身如何、價錢又係點，就要等雙方進一步公佈啦。