憑《情迷索瑪莉》（There's Something About Mary）及《神探俏嬌娃》（Charlie's Angels）系列走紅嘅Cameron Diaz，息影近10年後宣布復出再戰影壇，聯同奧斯卡金像影帝Jamie Foxx推出動作喜劇《間諜夫妻再出山》（Back in Action）。官方在今日公開正式預告片，預計1月17日登陸Netflix。

《間諜夫妻再出山》由《邊個波士唔抵死？》（Horrible Bosses）導演Seth Gordon執導，並聯同《賤鄰》（Neighbors）Brendan O'Brien共同編劇，故事講述兩位中情局特務Emily與Matt在退隱後結婚生子，但某日一家人到油站加油時，突然遇上一群不速之客，兩人只好大顯身手收拾敵人，當堂睇到兩位小朋友眼都突埋，阿仔仲好興奮咁問：「你打得贏學校入面所有爸爸嗎？」。當身份曝光後，兩人為保護孩子只好重出江湖，誓要找出幕後黑手，上演飛車追逐、火拼槍戰、近身肉搏等一連串動作場面。