{ SKIP }
文:MenClub 魏文青  
POSTED ON 07 Feb 2025

早前同大家再次介紹過日本神人「セイレイ(X@seirei526)」用LEGO砌嘅「Nu高達」,睇大家嘅反應都知已經非常佩服佢嘅技藝。但日本所謂嘅「匠人」精神,就係要精益求精,而近日「セイレイ」上月底砌好嘅「力天使高達」,就可以話於技術上更進一步,但大家又睇唔睇到出佢進步咗喺邊呢?

「セイレイ」自稱係「再現系LEGO Builder」,其作品多係以原裝LEGO零件,儘可能地還原各款高達模型,但亦因為要追求還原度及精細度,加上LEGO磚本身又比高達模型零件要大得多,所以過往佢嘅作品閒閒地都6、70cm高,即使佢於設計時就已經有考慮到重心配置,一旦裝哂所有裝備上身,依然會有搖晃嘅情況發生。例如上次嘅Nu高達,於最後展示時就為浮游飛翔炮加上落地支架。

 

而今次嘅新作其實就係佢挑戰「全裝備無支架穩定站立」嘅新嘗試,換言之佢需要於唔影響遠原度及精細度嘅情況下將成品縮小,以減輕整體重量。而最終結果就係呢部「僅高」40cm、裝哂武器兼GN全覆護盾都可以靠自己企穩嘅「力天使」,當中蘊含嘅技術力某程度上比起之前嘅作品都要高。你話如果佢能夠進一步將成品縮小、甚或簡化工序,將來係咪有機會可以商品化呢可?

作為一個要經常於網上搜集資料嘅人黎講,Google推出AI總結(AI Overview, AIO)功能後的確幫手慳咗好多時間。但另一方面,當用家於搜尋頁面上就得到所有資訊,就代表佢哋唔需要點擊連結進入網站,網站失去流量自然就 ...
hobby
【科技】AI總結令網站流量大跌89% Google堅稱不影響Open Web但於法庭文件呻慘
11 Sep 2025
由堀越耕平創作嘅人氣漫畫《我的英雄學院》,自2022年宣布要翻拍真人版電影後,最近終於有新消息! 據外媒《THR》報導,由Netflix與傳奇影業聯手製作嘅《我的英雄學院》真人版電影,將由日本導演佐藤信 ...
hobby
【影視】Netflix籌拍《我的英雄學院》真人版電影 《特工亞皆老》編劇操刀劇本
10 Sep 2025