日本創意品牌BIBILAB最鄗推出一款「睡眠帳篷」，專為一眾鍾意攤喺度打機煲劇嘅懶人而設。而且玩到眼瞓嗰陣，仲可以拉埋塊遮光簾即刻倒頭大睡，唔怕天光時畀太陽曬醒！

呢款名為「スリープシェルター LFP-500」嘅睡眠帳篷看似平凡，但實則內有乾坤！帳內天花板位置及左右兩則均設有透明收納袋，玩家只要將電話或者Switch放入去，然後就可以解放雙手、舒舒服服咁躺平打機煲劇。而且帳內更設有網袋，用嚟放眼鏡、手掣、充電器等小物件，並附有掛鉤方便吊LED燈及整理電線。玩到攰嗰陣，拉低塊遮光布就可以即變小睡房，遮光隔音之餘又透氣，提升睡眠品質。

帳篷尺寸為100x50x55cm夠晒闊落，唔用嗰陣可以埋得方便存放，售價為12,000日圓（約HK$604），有興趣嘅朋友可以到日本Amazon購買。