由小島工作室（Kojima Productions）開發嘅最新力作《死亡擱淺2：冥灘之上》（Death Stranding 2: On the Beach），今日在SXSW 2025活動上宣布遊戲將於6月26日正式登陸PS5，並同步公開一條長達10分鐘嘅預告片，各位機迷準備好送貨未？

從呢段由小島秀夫親自剪輯嘅新預告可見，主角Sam將與同伴們踏上全新旅程，繼續展開連結人類嘅重要使命，並加入更多新載具、自然地理環境及天氣變化，令送貨過程更加精彩。此外，片中亦首度公開由法國音樂人Woodkid製作嘅主題曲〈To The Wilder〉。

《死亡擱淺2：冥灘之上》將於6月26日在PS5平台獨家推出，並在3月17日起開放預購標準版（69.99美元）、數位豪華版（79.99美元）、實體典藏版（229.99美元），其中購買豪華版及實體典藏版嘅玩家可以提前48小時開始遊戲（6月24日）。而預購任一版本嘅玩家都可以獲得特殊全息影像「短尾矮袋鼠」及外骨骼裝備等遊戲內獎勵。