{ SKIP }
文:MenClub 艾力克  
POSTED ON 19 Mar 2025

距離上一集《生化危機8:村莊》已將近4年時間,唔少機迷都希望第9集早日到來。最近著名爆料人Dusk Golem就透露,《生化危機9》之所以會開發咁耐,係因為今集將會帶嚟一次重大改革。

最近Dusk Golem在X上表示:「我知道好多人因為《生化危機》系列已經一年半冇消息而有啲心急。但當等到《生化危機9》正式公開時,大家就會明白點解呢隻遊戲花咁多時間開發,因為佢係系列嘅一次重大革新,改革程度好比當年嘅《生化危機4》及《生化危機7》。玩法上唔會好似《生化危機7》、《生化危機7》或其他重製版,而係會嘗試一啲充滿野心嘅新元素。而且幾乎可以肯定會喺今年之內正式公開,所以大家耐心等下啦。」

早期《生化危機》遊戲採用固定視角玩法

《生化危機4》

如果各位機迷仲有印象,早期嘅《生化危機》係採用固定視角玩法,直到2005年嘅《生化危機4》先變成肩後式第三人稱射擊遊戲,並首次引入金錢買賣系統,玩家能透過擊殺敵人獲得金錢,用作購買武器及補給品。而到咗2017年嘅《生化危機7》,系列又再一次迎來重大變革,視角由第三人稱變成第一人稱,並大大增強恐怖元素。至於《生化危機9》會帶嚟乜嘢革新,早前就有傳會採用開放式世界玩法,但實情係點仍有待官方正式公布。

《生化危機7》

資料來源:gamerant
如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025