著名即時戰略遊戲《世紀帝國II：決定版》（AOE2:DE）宣布推出最新DLC「The Three Kingdoms」！玩家能夠扮演魏、蜀、吳三大勢力，體驗《三國演義》入面中傳奇戰役，預計5月7日正式發售。

據官方介紹，今次三國DLC將會加入5個全新文明，除咗大家耳熟能詳嘅魏、蜀、吳之外，仲有女真同契丹。每個文明都有自己獨特嘅軍事單位及科技，例如蜀國嘅獨特單位就係「白羽衛」，一種能夠減慢敵人速度嘅步兵；吳國嘅獨特單位就係可以發射燃燒箭矢嘅「火弓兵」；而稱霸中國東北崎嶇地形嘅女真人，其獨特單位就係能格擋近戰攻擊嘅騎兵「鐵浮屠」等等。

除咗有5個新文明，DLC仲會加入3個全新戰役，讓玩家能夠從劉備、曹操、孫氏三個唔同角度體驗三國演義故事，當中包括桃園三結義、官渡之戰及赤壁之戰等著名事件，而呂布、諸葛亮及關羽等傳奇人物亦會登埸，而且可以使出青龍偃月斬、爆炸弩箭等專屬技能。

《世紀帝國II：決定版》全新DLC「The Three Kingdoms」售價為HK$118，即日起於Steam、Microsoft Store及Xbox開放預購（預購有85折優惠），5月7日正式發售。